Muabot sa 14.76 milyon ang gilaumang madugang sa populasyon sa Pilipinas sa mosunod nga 15 ka tuig, diin ginaingon nga moabot kini sa 123.96 milyon inig abot sa 2035, sumala sa datos sa Philippine Statistics Authority (PSA).
Gibanabana sa PSA nga modako ang populasyon sa nasod og 0.85% kada tuig gikan 2020 hangtod 2035, gikan sa 109.2 milyon niadtong 2020.
Magpabiling pinakapopuloso ang Calabarzon nga gibanabanang moabot sa 19.07 milyon ang populasyon sa 2035. Gisundan kini sa:
- National Capital Region (NCR): 14.49 milyon
- Central Luzon: 14.02 milyon
- Cordillera Administrative Region (CAR): Pinakagamay nga populasyon (2.13 milyon)
Adunay mga rehiyon nga gilaumang mosaka ang population growth rate, lakip ang Bicol, Western Visayas, Eastern Visayas, Zamboanga Peninsula, Soccsksargen, BARMM, ug Caraga. Sa BARMM, gilaumang mosaka ang growth rate sa 1.79% (2030–2035) gikan sa 1.62% niadtong 2020–2025.
Sa laing bahin, pipila ka rehiyon sama sa NCR, Cagayan Valley, Central Luzon, Calabarzon, ug Northern Mindanao ang gilaumang moubos ang average growth rate. Pananglitan, ang NCR gilaumang moubos sa 0.40% sa 2030–2035 gikan sa 0.53% niadtong 2020–2025.
Pinakadakong Highly Urbanized Cities (HUCs):
- Quezon City (2.918M)
- Davao City (2.040M)
- Manila (1.901M)
- Caloocan (1.707M)
- Taguig (1.516M)
- Zamboanga (1.153M)
Gilauman nga 50.5% sa populasyon mga lalaki (62.64M) ug 49.5% mga babaye (61.32M). Nagpasabot kini og sex ratio nga 102 ka lalaki sa matag 100 ka babaye.
Photo courtesy: PHILIPPINE STAR/RYAN BALDEMOR
