Patay ang duha ka babaye human aksidenteng mabangga ang gisakyan nilang motorsiklo sa likurang bahin sa usa ka dump truck sa National Highway, Barangay Lantian, Labangan, Zamboanga del Sur, niadtong nakalabay nga adlaw.
Ang mga biktima gikalambigitan sa nagmanehong babaye 35-anyos, nga lumulupyo sa Bayog, Zamboanga del Sur ug ang 22-anyos nga backrider nga residente sa Midsalip, Zamboanga del Sur.
Sakay matod pa ang mga biktima sa usa ka XRM 125 nga single motor paingon sa Bayog, Zamboanga del Sur aron mamirthday apan aksidente nga nabanggaan sa nagmanehong driver ang nakaparking nga dump truck nga upat ka adlaw nang naa sa daplin sa dalan gumikan sa mechanical issue.
Ang duha ka mga biktima susama nga gidala sa balay tambalanan aron mahatagan ug dinaliang medikal nga atensyon apan managsama silang gideklarang patay sa nag-atiman nga Doctor.
Sa karon gipahiluna na sa kabanay ang patay’ng lawas sa biktima aron kini mapahimutang sa saktong kapahulayanan.
Photo Courtesy: PD ZSPPO, PRO 9
