Arestado ang usa Jordan National sa gilusad nga hiniusang operasyon sa BI, PNP, uban sa suporta sa mga yunit sa mga kasundaluhan ug intelligence elements ilawom sa operational control sa Joint Task Force ZAMPELAN.
Ang maong Jordanian National gipanganlan nga si Mohammad Odeh, 65-anyos ug gikaingong nalambigit sa mga suspetsado sa terorista nga pagpang-atake sa Sydney, Australia kaniadtong Disyembre 2025.
Gi-serve sa otoridad ang BI Mission Order No. 080 batok kaniya tungod sa paglapas sa Section 37(a)(7) sa Philippine Immigration Act of 1940 o mas nailhang “Overstaying and Engaging Gainful Activity nga walay saktong visa o permit.
Gidakop ang suspetsado sulod mismo sa iyang establisyemento nga nahimutang sa syudad sa Pagadian niadtong nakalabay nga adlaw.
Sa karon anaa na siya sa kustodiya sa mga otoridad alang sa dokumentasyon ug legal nga proseso subay sa balaod sa immigration dinhi sa nasud.
