Viral sa social media ang ideya nga si Vice Ganda ang gi-push sa uban nga mahimong presidente sa 2028. Tungod kay daghan ang nadismaya sa tradisyonal nga mga politiko, adunay mga tawo nga nangita og “out of the box” nga lider nga lahi sa naandan.
Gisuportahan ni Palanca awardee Jerry Gracio ang maong ideya, matod niya dili korap si Vice, duol sa masa, ug wala nalambigit sa politikal nga dinasty.
Para kang Gracio, ang pagkamatinuoron ni Vice nga moangkon nga “dili pa siya igo” maoy timaan sa usa ka lider nga adunay tinuod nga kapasidad sa pagserbisyo.
Apan dili malikayan nga adunay mga kontra sa maong suhestiyon. Ang ubang netizens miingon nga bisan limpyo ang ngalan ni Vice, kulang siya og kasinatian sa pagdumala sa gobyerno ug sa komplikadong sistema sa politika.
Sa pikas bahin, daghan usab ang mitubag nga ang kaalam mahimong matun-an ug ang lider pwedeng magpalibot og mga maayong adviser.
Photo courtesy: The Filipino Times
