Nakapakatawa ug nakalingaw sa daghang residente ang usa ka uwak nga gitawag og “snatcher” human gidagit ang kwarta nga bonus sa mayor ug gidala sa atop sa usa ka balay, diin kini gihinay-hinay ug hulog nga murag nagpailog sa mga tawo sa ubos.
Sa video nga gi-upload ni Roxas, Capiz Mayor Receliste Escolin ug gipakita sa usa ka Network, makita ang mga residente nga nagtan-aw sa atop sa usa ka balay samtang naghulat kung unsay sunod nga lihok sa uwak.
Matod sa Mayor, nga ang kwarta nga gitangag sa uwak didto gidala sa atop og kini adunay Php500, Php100 ug P50 . Naningit ang mga tawo sa iyang atubangan. Sa sinugdanan, wala siya makabalo kung unsa ang ilang gisigihan og singgit.
Sa dihang gituhak sa uwak ang 500 pesos, misamot ang kasamok sa mga tawo sa ubos. Murag aduna gyud suspense kay isa-isa nga gihulog sa uwak ang kwarta, nga murag nagpa-ilog sa mga residente.
Sunod gituhak na usab sa uwak ang ubang kwarta papel. Sa ulahi, adunay usa ka lalaki nga misaka sa atop aron kuhaon ang nahibiling kwarta. Apan ang uwak, milupad paglupad sa uwak gituhak niya ang isa ka kwarta nga gituohang 100 pesos.
Sumala sa mayor, iyang gibutang ang mga kwarta sa lamesa samtang nag video siya. Apan wala niya damha nga gitangag na diay sa uwak ang mga kwarta padulong sa pikas balay ug gibutang kini sa atop.
Bisan pa man nga wala nabawi ang tanang kwarta nga gitangag sa maong langgam, ang uban niini nakuha ra. Sa katapusan, gipanghatag gihapon ang bonus sa mga empleyado sa munisipyo, ug nahimo pang usa ka kataw-anan ug kalingawan nga estorya sa lungsod ang maong panhitabo.
