Nakaangkon ug samad bun-og sa lawas ang usa ka lalaki human niini magpaligis sa usa ka Mini Van sa National Highway, Brgy. Gusa, Cagayan De Oro City.
Base sa report sa mga otoridad, giila ang biktima nga si alyas Justine nga medyo tisoyon.
Subay sa inisyal nga imbestigasyon, wala matod pa sa kaugalingon ang biktima niadtong panahona samtang nagbaktas sa kadalanan gumikan sa problema na iyang gidala-dala. Tungod niini, naka desisyon si Justine nga tapuson ang iyang kinabuhi pinaagi sa pagpaligis sa maong sakyanan.
Nasayran nga nahimong emosyonal ang ulitawo human kini gibulagan sa iyang pinalanggang uyab.
Sa kasamtangan gipailalom na sa counseling sa City Social Welfare and Development (CSWD) ang biktima ug gihatagan na usab siyag medikal nga pag-atiman.
Gipahinumdoman usab ang mga kabatan-onan nga dili magpadala sa ilang emosyon kay kini mahimong mosangpot sa dili maayong kahimtang og makadamay sa uban.
Photo Courtesy: Dreamstimes.com
