Nakurat ang mga fans ug netizens human gibutyag sa kanhi SexBomb member nga si Jopay Paguia-Zamora ang aksidente nga iyang nasinati sulod sa ilang panimalay.
Sumala sa iyang social media post, kalit lang nga nangatagak ang mga tiles sa ibabaw nga bahin sa ilang CR samtang anaa siya sa sulod, nga nakaigo sa iyang ulo ug likod. Gipakita ni Jopay ang mga samad ug bun-og nga iyang naagoman.
Bisan pa man sa grabeng kasakit nga iyang gibati, nagpahayag si Jopay sa iyang dakong pasalamat sa kahitas-an tungod kay wala kini miresulta sa mas seryosong kadaot sa iyang lawas. Gipaambit usab niya nga swerte pa gihapon siya kay kung ang iyang mga anak ang naigo sa bug-at nga tiles, posibleng mas grabe ang nahitabo.
Sa pagkakaron, nagpaalim na si Jopay sa iyang mga samad ug nagpasalamat sa tanang nagpakabana sa iyang kahimtang. Ang iyang bana nga si Joshua Zamora anaa sa iyang kilid aron moatiman kaniya samtang nagpaayo sa maong wala damhang insidente.
Photo Courtesy: JOPAY PAGUIA
