Nagmando ang Regional Trial Court Branch 26 sa pagdakop sa negosyanteng si Charlie ‘Atong’ Ang ug 17 ka uban pang indibidwal tungod sa kaso sa kidnapping with homicide nga may kalabutan sa pagkawala sa mga “missing sabungeros.”
Base sa dokumento sa korte nga pinetsahan og Enero 13, 2026, nakakita ang korte og probable cause batok sa mga akusado, hinungdan nga nipagawas dayon kini og warrant of arrest.
Gawas kang Ang, ang nasikop naglakip nila: Rogelio Teodoso Borican Jr., Jezrel Lazarte Mahilum, Mark Carlo Evangelista Zabala, Rodelo Antipuesto Nangurog, Emman Cayunda Falle, Julios Tagalog Gumolon, Ronquillo Pacot Anding, Ryan Jay Eliab Orapa, Aaron Ezrah Lagahit Cabillan, Mark Anthony Aguilo Manrique, Anderson Orozco Abary, Michael Jaictin Claveria, Edmon Hernandez Muñoz, Farvy Opella Dela Cruz, Renan Lagrosa Fulgencio, Alfredo Uy Andes, ug Joey Natanauan Encarnacion.
Tungod kay ang kidnapping with homicide usa ka non-bailable offense, wala nagrekomenda ang korte og piyansa alang sa temporaryong kagawasan sa mga akusado.
Kahinumdoman, niadtong Disyembre 9, nakakita ang Department of Justice (DOJ) og tukmang ebidensiya ug reasonable certainty sa konbiksyon, nga naghatag basehan aron pasakaan si Ang ug 21 ka uban pang akusado og 10 ka counts sa kidnapping with homicide. Nakakita usab ang DOJ og basehan aron kasuhan sila ni Ang ug 15 ka uban pa sa kidnapping ug serious illegal detention.
Ang mga kaso may kalambigitan sa reklamo sa mga pamilya sa nawala nga mga sabunger niadtong Agosto 1, nga may kalabotan sa pagkawala sa 34 ka sabunger tali sa tuig 2021 ug 2022.
Photo Courtesy:TEMPO
