Usa ka talagsaon ug makapahingangha nga hitabo ang nasaksihan sa usa ka pamilya sa Brazil human makaplagan nga buhi ang ilang pet tortoise nga nawala pa niadtong 1982.
Ang bao nga ginganlan og Manuela nawala atol sa pag-ayo sa ilang balay. Bisan pa sa pagpangita sa pamilya, wala na kini makita pa, ug sa ulahi gidawat na lang nga wala na kini sa hingpit.
Apan human sa kapin sa 30 ka tuig, samtang nanglimpyo sa attic o kisame human sa pagkamatay sa usa ka paryente, ilang naablihan ang usa ka daang kahon tupad sa speaker. Sa sulod niini, ilang nakit-an si Manuela nga buhi pa.
Matod sa mga eksperto, posible nga nabuhi ang bao tungod sa iyang hinay nga metabolismo ug pagkaon sa gagmay’ng tipik nga iyang makita. Ang hitabo nahimong pamatuod nga bisan sa dugay nga panahon, ang paglaum usahay mobalik sa wala damha nga paagi.
Photo Courtesy: The Dodo
