Ngpadayun ang kapulisan sa Davao De Oro sa pagpalig-on sa Peace and Order sa Probinsya. Kini ang gibutyga nga pamahayag ni Provincial Director sa Davao de Oro Police, PCol Cesario D. Dukiling Jr.
Ang deployment sa ilang mga personahe dili lamang sa poblacion kondili apil na usab sa mga lagyong barangay karong tuig 2026. Matod pa niya, adunay mga revitalized pulis sa barangay nga gipahimutang sa mga far-flung areas samtang adunay mga patroller sab sa mga poblacion.
Gipalig-on usab sa kapulisan ang ilang mobile patrol, foot patrol, motorcycle patrol, ug gidugangan pa kini og bike patrol.
Dugang pa ni PCol Dukiling, nagpatuman usab sila og horse patrol sa mga lugar nga lisod na masudlan sa mga four-wheeled vehicles aron masiguro ang presensya sa kapulisan bisan sa pinakalayong mga komunidad sa probinsya.
Sa laing bahin gibutyag sa opisyal sa milabayng tuig 2025 wala’y naitalang mga insidente sa stray bullet ug mga disgrasya nga may kalabutan sa paggamit sa mga pabuto atol sa holiday season.
Segon pa niya, adunay pipila ka mga insidente sa kadalanan, labi na ang vehicular accidents, nga gituohan tungod sa kadaghan sa mga biyahero niadtong mga panahona. Bisan pa niini, giingon sa kapulisan nga dili malikayan ang maong mga panghitabo ilabi na kung daghan ang nagbiyahe.
Giklaro sab niya nga walay na-record nga mga kaso sa criminality sama sa robbery ug hold-up. Tungod niini, ang assessment sa kapulisan nagpakita nga nahimong malinawon ang katapusang quarter, ilabi na ang bulan sa Disyembre, sa tibuok probinsya sa Davao de Oro.
