Miabot na sa katapusan ang usa ka order sa Nokia nga gi-order pa niadtong 2010 sa usa ka tindahan sa cellphone sa Libya, human kini nalangan sulod sa 16 ka tuig tungod sa gubat ug pagkahunong sa logistics ug customs sa nasod.
Giablihan ang mga kahon nga mura’g mga time capsule, diin nakit-an ang mga button phones nga popular pa kaniadto, nga nagpaila sa teknolohiya sa laing panahon.
Mi-viral dayon sa social media ang maong panghitabo, nga naghatag og kataw-anan ug nostalgic sa kadaghanan.
Apan nagpadayag usab kini sa mas lawom nga kamatuoran kon sa unsang paagi ang panagbangi makaapekto sa pang adlaw-adlaw nga pagkinabuhi sa katawhan sulod sa daghang katuigan, ug kalit lang mobalik ang mga butang nga murag walay nahitabo.
Nagsilbi ang maong istorya isip pahinumdom sa kalisod nga giatubang sa mga ordinaryong negosyo sa mga lugar nga apektado sa gubat, diin bisan ang yano nga order mahimong malangan sulod sa usa ka dekada o mas dugay pa.
Photo Courtesy: watercooler
