Gikatahong gikonsiderar sa unang babaye nga Prime Minister sa Japan nga si Sanae Takaichi sa pagpahigayon og ‘snap elections’ duha ka tuig nga mas sayo kaysa sa orihinal nga gikatakda, taliwala sa taas nga rating sa Gabinete.
Matod ni Takaichi nga gimandoan niini ang mga opisyal sa Liberal Democratic Party sa iyang plano nga pagbungkag sa House of Representatives o lower house sa pagsugod sa ordinaryong sesyon sa parlamento nga gikatakda nga magsugod sa Enero 23.
Ang 64-anyos nga lider sa Hapon napili isip ika-104 nga punong ministro sa Japan niadtong Oktubre.
Diin ang iyang LDP, kauban ang Japan Innovation Party, nanguna sa gamay nga majority sa 465-seat lower house sa bicameral parliament ug nagpabilin sila sa minority sa 225-seat upper house.
Dugang sa taho nga kon gani si Takaichi motawag alang sa snap elections, ang opisyal nga pagkampanya alang sa usa ka kinatibuk-ang eleksyon mahimong magsugod sa Enero 27 o Pebrero 3, nga ang pagboto gitakda sa Pebrero 8 o Pebrero 15, matag usa.
Photo courtesy: JIJI Press / AFP
