Giduso karon sa Senado nga gipangulohan ni Senador Erwin Tulfo ang random on-site inspection sa mga proyekto sa gobyerno aron masiguro nga magamit sa husto ang pundo sa publiko ug dili masayang ang kuwarta sa mga katawhan.
Kini may kalabutan sa mga isyu nga mitumaw sa pag-gasto sa 2025 national budget. Diin nabulgar ang giingong anomaliya sa paggamit sa pundo, partikular na ang anomalyosong flood control project.
Sa pagkakaron, ang pagmugna sa Joint Congressional Oversight Committee gipasiugdahan aron mamonitor ang pagpatuman sa mga programa ug proyekto sa gobyerno ug maseguro nga kini mapatuman ang pondo gikan sa 2026 General Appropriations Act (GAA) magamit sa hustong paagi.
Kahinumduman nga bag-o lang gipirmahan ni Presidente Ferdinand “bongbong” Marcos Jr. ang national budget law para sa tuig 2026, diin pipila sa mga unprogrammed appropriations gi-veto sa presidente nga mokabat sa Php92.5 bilyones.
Busa gilauman nga adunay taas nga kredibilidad ang mga maapil sa gisugyot nga komitiba aron maseguro nga ang mga balita o impormasyon nga ipagawas mao lang ang kamatuoran, diin sa pagkakaron aduna nay mga sakop sa Kongreso nga giingong nalakip o niendorso sa pipila ka mga proyekto nga pabor sa ilang kaugalingong interes sa 2026 budget.
Photo Courtesy: Philippine News Agency
