Plano tukoran og National Museum of the Philippines ang Koronodal City, South Cotabato sa inisyatiba ni Senador Loren Legarda, kinsa naila nga tigpasiugda sa kultura ug sining sa nasud.
Diin ang National Museum itukod matod pa sa karaang city hall building sa Koronadal. Kahibaluan nga personal nga gibisita ni Sen. Legarda ang site kaniadtong Enero 9, 2026, aron susihon ang pasilidad nga gamiton isip museyo.
Ang pagbisita sa senador dungan sa iyang pagtambong sa 86th Foundation Anniversary ug Hinugyaw Festival sa Koronadal, diin giimbitahan siya isip guest speaker.
Tumong sa pagtukod sa National Museum sa maong lugar aron nga mapalig-on ang kahibalo mahitungod sa kasaysayan, kultura, ug mga sining sa rehiyon, ingon man sa pagpalig-on sa turismo ug pagpreserbar sa lokal nga kabilin sa Koronadal ug South Cotabato.
Photo Courtesy:Gov. Tamayo Jr.
