Nipasidaan ang Bureau of Internal Revenue kon (BIR) nga dako og epekto ang gisugyot nga pag-us-os sa value added tax (VAT).
Matod sa BIR, ang unang maapektuhan niini mao ang kita sa gobyerno ingon man ang ekonomiya.
Gibutyag ni BIR Commissioner Charlito Mendoza nga trabaho sa mga magbabalaod ang pagpakunhod sa VAT, apan importante nga tan-awon usab nila ang negatibong epekto niini.
Kahinumduman nga si Senador Erwin Tulfo nisang-at og balaudnon nga nagtinguha nga paubsan ang value-added tax (VAT) gikan sa 12% ngadto sa 10% isip tubag sa padayong pagsaka sa presyo sa mga palaliton ug serbisyo sa nasud.
Sa gisang-at nga Senate Bill No. 1552 o ang gisugyot nga “VAT Reduction Act of 2025”, si Tulfo namahayag nga ang pagkunhod sa VAT direktang makatabang sa pagpagaan sa palas-anon sa mga Pilipino sa kamahal sa mga palaliton, ingon man pagpalig-on sa ilang purchasing power.
Photo Courtesy: Metro News Central
