Gipahibalo ni Presidente Ferdinand Marcos Jr. ang pagbalik sa pagdumala sa sports ngadto sa Department of Education (DepEd).
Gihimo sa Presidente ang pahibalo sa iyang pagtambong sa pag-abli sa Cagayan Provincial Athletic Association (CPAA) nga gipahigayon sa Camalaniugan Sports Complex, Cagayan.
Sumala sa Presidente, pinaagi niini nga lakang, mas mapalambo pa ang sports alang sa mga tinun-an.
Gihatagan og gibug-aton sa presidente nga ang pagbalik sa sports sa DepEd gitumong aron masinati sa mga kabatan-onan ang nagkalain-laing dula, mapalig-on ang ilang panglawas, ug makat-on sila kon unsaon pakig-uban sa ubang mga koponan ug ubang tawo.
Mahinumduman nga kaniadto, ang tawag sa DepEd Department of Education, Culture and Sports (DECS) sa wala pa gitangtang ang sports sa mga tunghaan.
Photo courtesy: Presidential Communications Office
