Sa China, usa ka inahan ang nagtuo nga nakadiskubre na niya ang “ultimate” disiplina para sa iyang anak nga apiki og grado—mao ang pagpaluto kaniya sa tindahan og fried chicken.
Ang plano sa inahan simple ra: “Aron makat-on ka unsa kalisod mangita’g kwarta, trabaho sa una diri sa among stall!” Apan ang resulta, mas maayo pa hinuon siya kaysa iyang mama!
Ang 17-anyos nga batan-on mao’y pinaka-shock absorber sa stall: siya ang nagluto, nag-serve, nag-cashier, hangtod sa pag-smile sa customers. Ug human sa 10 ka adlaw, mikita siya og 10,000-yuan o kapin PHP 80,000.
Kung ang mama ang naglaum nga “life lesson” ang iyang mahatag, ang tubag sa bata mao ang: “Ma, ningkita man diay ko og dako diri, Nganong mo skwela pa ko?”
Ingong resulta, Ang mama nga unta pugson ang anak pagbalik sa eskwelahan, gisuportahan nalang kini sa negosyo, kay mas kusog pa man mosales ang anak kompara niya.
Ang maong istorya karon trending sa social media sa China, kay daghan ang naglibog: Motuo ba ta sa edukasyon? O mosalig nalang ta sa diskarte? og isa ra ang klaro kung ang imong grado bagsak, basin fried chicken imong calling.
Photo courtesy: Dreamstime.com
