Gitangtang isip Commander sa Training Support Group si Colonel Audie Mongao sa Philippine Army human matod pa kini nalambigit sa kontrobersiya sa giingong online nga pamahayag nga ni-withdraw kini sa suporta sa Presidente.
Matod ni Major General Michael G. Logico, Commander sa Training Command, si Mongao kasamtangang anaa sa New Year’s Break status ug dili na makontak bisan paman sa mga paningkamot sa iyang command.
Diin epiktibo niadtong Enero 8, 2026, ang pagtangtang kaniya isip Commander sa Training Support Group ug gibutang sa attached/unassigned status sa Office of the Commander, Training Command.
Nagpadayon karon ang imbestigasyon aron masuta kung aduna bay posibleng kasong administratibo ang ipasaka batok kaniya.
Giklaro ni Logico nga si Mongao nagpabilin nga responsibilidad sa iyang kamandoan ug padayon silang naningkamot nga makig-alayon aron mahatag ang gikinahanglang emosyonal nga suporta.
Base sa report, nikatap na ang giingong pamahayag ni Mongao nga nagpagawas kini og statement sa pag withdraw sa suporta kang Presidente Ferdinand Marcos Jr.
Kun asa ang Philippine Army nagpabilin nga propesyonal, matinud-anon sa Konstitusyon subay sa chain of command.
Photo Courtesy: Tuklasin Natin
