Magtukod ang Department of Science and Technology (DOST) og usa ka rehiyonal nga hub alang sa Project Smarter Approaches to Reinvigorate Agriculture as an Industry (SARAI) sa Eastern Visayas, aron mapataas ang produktibidad sa uma ug mapalig-on ang seguridad sa pagkaon.
Gibutyag ni DOST Regional Director John Glenn Ocaña sa usa ka interbyu niadtong Lunes, ang rehiyonal nga opisina sa DOST sa maong lungsod maoy mahimong host sa hub nga gitumong sa paglokalisar ug pag-deploy sa mga climate-resilient nga mga himan alang sa mas maayong food security sa tibuok nasud. Si Science and Technology Secretary Renato Solidum ang manguna sa pag-abli sa hub karong Enero 22, 2026, kauban ang ubang key officials gikan sa main office sa ahensya.
Ang hub maghatag og datos ug mga pahimangno pinaagi sa: site-specific nga crop advisories, weather forecasts, ug mga alerto sa peste o sakit sa tanom. Magtudlo usab kini sa mga mag-uuma, local government units, ug uban pang stakeholders sa paggamit sa smart agriculture tools, lakip na ang mga drone alang sa pagkuha og datos.
Ang Project SARAI usa ka action-research program nga ginapondohan sa DOST–Philippine Council for Agriculture, Aquatic and Natural Resources Research and Development, nga nagtumong sa pagpakunhod sa mga risgo sa klima pinaagi sa paghatag og site-specific nga crop advisories sa mga stakeholder sa agrikultura.
Ang priority crops naglakip sa humay (rice), mais, saging, lubi, kape, kakaw, tubo, soybean, ug kamatis.
Photo Courtesy: Philippine News Agency
