Gi-report sa Department of Education (DepEd) Bukidnon ang sunod-sunod nga pagkasunog sa mga classroom sa nagkadaiyang eskwelahan sa probinsya, nga nakaapekto sa kahimtang sa edukasyon sa mga tinun-an.
Matod ni DepEd Bukidnon Superintendent Dr. Victoria V. Gazo, nag-atubang pa gihapon ang lalawigan sa dakong problema tungod sa kakulang sa mga tunghaan ug sa daghang karaan nga mga school buildings, nga labi nang delikado ilabi na sa panahon sa trahedya.
“Pangayo namo ang suporta aron masiguro ang kaluwasan sa mga estudyante ug mahatagan ug kalidad nga edukasyon ang tanang kabataan sa Bukidnon,” matod pa ni Dr. Gazo sa exclusive nga pakighinabi sa Juander Radyo Malaybalay.
Naglaum ang DepEd Bukidnon nga madugangan ang ilang pondo aron matukod ang bag-ong mga classroom ug maayo ang mga karaan nga pasilidad, isip lakang sa pagpanalipod sa kaluwasan sa mga estudyante ug sa pagpaayo sa kalidad sa edukasyon sa probinsya.
Ang lokal nga pamunuan sa edukasyon nanawagan sa komunidad ug sa mga ahensya sa gobyerno sa pagtinabangay aron malikayan ang dugang kadaut sa mga eskwelahan ug masiguro ang walay samok nga pagkat-on sa mga estudyante.
Photo Courtesy: DEPED-BUKIDNON
