Gimandoan sa Department of the Interior and Local Government (DILG) ang mga local government units (LGUs) nga pabakwiton ang mga residente nga duol o anaa sulod sa Permanent Danger Zone (PDZ) sa palibot sa Bulkang Mayon.
Gibutyag sa ahensya nga kini nga lakang gihimo aron mapanalipdan ang kinabuhi sa mga tawo ug hayop batok sa hulga sa Bulkang Mayon pinaagi sa pag-awas sa lava ug pagkahulog sa mga bato niini ug uban pang kalihokan. Kahibaloan nga gimanduan sa DILG ang mga LGUs kini human nga gipaubos sa Philippine Institute of Volcanology and Seismology (Phivolcs) ang alert status sa Bulkang Mayon ngadto sa Alert Level 3 niadtong Martes.
Kalabot niini, nanawagan usab ang ahensya sa mga LGUs nga kanunayng andam ug ipadayon ang hugot nga pagmonitor sa kalihokan sa Bulkang Mayon pinaagi sa ilang tagsa-tagsa ka Disaster Risk Reduction and Management Councils (DRRMCs) kini aron nga masiguro ang paspas nga pagtubag sa bisan unsang emerhensya.
Sa pikas bahin, gimandoan usab ni PNP Chief Lt. Gen. Jose Melencio Nartatez Jr. ang Police Regional Office sa Bicol Region nga mutabang sa pagpabakwit sa mga residente sa lugar.
Photo Courtesy: PNP Kasurog Bicol/FB page
