Plano nga iduso sa Department of Education (DepEd) ang kapin kon kulang usa ka dosenang kaso may kalabutan sa mga “ghost students” sa Senior High School Voucher Program human nautingkay sa Commission on Audit (COA) ang mga iregularidad gikan sa 2022 hangtud 2024.
Matod ni Education Secretary Sonny Angara, aduna nay pito ka kasong pending na ug may 12 pa ka kaso nga ang under investigation ug hapit na mapasaka.
Dugang ni Angara nga gibag-o sa DepEd ang sistema aron malikayan ang dobleng tala lakip ang mas hugot nga beripikasyon sa enrollment ug learner number sa dili pa mubayad ug voucher.
Sa nakalabayng tuig, nakadaginot ang gobyerno sa musobra Php50 milyones human gipahunong ang voucher release sa 12 ka mga pribadong tulunghaan nga wala napahimuslan.
Photo Courtesy: Philippine News Agency
