Nakarekord ang Traffic Management Center sa Malaybalay City og 907 ka disgrasya sa kadalanan sulod sa tuig 2025, diin 59 ang namatay tungod sa nagkadaiyang insidente sa trapiko.
Sumala ni Traffic Operation Officer Agustin Cepeda, lakip sa mga nag-unang hinungdan sa mga disgrasya ang reckless driving ilalom sa impluwensya sa alkohol, mga mechanical defect sa sakyanan, ug mga environmental factors sama sa kondisyon sa dalan ug panahon.
Gipasiugda ni Cepeda ang kahinungdanon sa pag-una sa kaluwasan sa trapiko. Matod pa niya atol sa pakighinabi sa Juander Radyo Malaybalay, “Mas maayong mouli nga buhi, kaysa magdali nga makadamay sa ubang kinabuhi.”
Nanawagan ang mga otoridad sa publiko nga magmatngon sa pagmaneho, kanunayng susihon ang kondisyon sa sakyanan, ug likayan ang pagdrive ilalom sa impluwensya sa alkohol aron malikayan ang dugang aksidente sa kadalanan.
Photo Courtesy:TMC MALAYBALAY
