Nakatakdang muatubang sa korte sa Amerika si Venezuelan President Nicolas Maduro human maaresto, matod ni US Attorney General Pam Bondi sa iyang social media post.
Gihisgutan ni Bondi ang indictment batok kang Maduro nga gikasuhan sa “Narco-Terrorism Conspiracy, Cocaine Importation Conspiracy, Possession of Machineguns and Destructive Devices, ug Conspiracy to Possess Machineguns and Destructive Devices against the United States.” Gikasuhan si Maduro sa Southern District of New York niadtong 2020.
Gipasalamatan ni US Attorney General si US President Donald Trump ug US military, nga naghimo sa mahinungdanong misyon aron dakpon ang gikaingong duha ka international narco traffickers.
Samtang, miabot sa New York si Venezuelan President Nicolás Maduro human matod pa siya gidakop sa mga sundalong Amerikano sa iyang pinuy-anan sa Caracas.
Una nang gi-anunsyo ni Trump ning adlawng Sabado nga nadakpan na si Maduro kauban si First Lady Cilia Flores human nga gilusad ang large-scale strikes sa US military sa Venezuela.
Photo Courtesy: PBS
