Gikabutyag sa Thai Armed Forces nga ang Cambodia nakalapas sa 10 ka adlaw nga ceasefire human nagpabuto og mortar sa probinsya sa Ubon Ratchathani niadtong Martes, nga nakaangol sa usa ka sundalong Thai.
Giingon sa kasundalohan sa Thailand nga ang sundalo naigo sa shrapnel ug gidala sa ospital alang sa diha-diha nga pagtambal. Ang deffense ministry sa Cambodia wala dayon mitubag sa usa ka hangyo alang sa komento sa mga pasangil sa Thailand.
Ang utlanan tali sa Thailand ug Cambodia dugay nang tinubdan sa tensyon tungod sa usa ka dili klaro nga demarkasyon sa utlanan nga nagsugod pa sa panahon sa kolonyal. Sa miaging tuig, ang mga armadong panagsangka miulbo sa makadaghang higayon sa lugar sa utlanan, nga nakapatay sa dose-dosenang mga tawo ug nagpugos sa pagbakwit sa mga usa ka milyon nga mga residente.
Niadtong Disyembre 27, ang duha ka nasud miuyon nga ipatuman og ceasefire, nga naglakip sa usa ka pag-undang sa mga paglihok sa mga tropa sa gikuwestiyon nga lugar. Bisan pa, ang mga hinungdan sa panagbangi sa utlanan wala pa masulbad, luyo paman sa kasabutan sa kalinaw.
Ang duha ka panig nagpadayon sa pagmonitor sa sitwasyon samtang ang internasyonal nga komunidad nanawagan alang sa pagpugong ug malinawon nga diyalogo aron mapugngan ang dugang nga pag-usbaw sa tensyon
Photo Courtesy: ASIA TIMES
