Nag-atubang si kanhing Education Minister sa Indonesia nga si Nadiem Makarim ang kasong korapsyon human siya pasanginli sa mga maanomalyang pagpalit og mga laptop alang sa mga eskwelahan atol sa panahon sa COVID-19 pandemic, nga matod pa hinungdan sa kapildihan sa gobyerno og kapin 2.1 trilyong Rupiah o katugbang sa $125.64 milyon.
Sumala sa prosekusyon, si Makarim nga nagsilbi isip education minister gikan 2019 hangtod 2024 human mibiya isip CEO sa Gojek gipasanginlan nga nakabenepisyo og 809 bilyong rupiah o $48.34 milyon gikan sa procurement sa Chromebook laptops ug Chrome OS software tali sa tuig 2020 hangtod 2022.
Gipadayag nga bisan pa sa usa ka government study niadtong 2018 nga nag-ingon nga dili angay ang Chromebook sa Indonesia tungod sa kakulangan sa internet connectivity sa daghang hilit nga lugar, gipadayon gihapon ang pagpalit sa maong mga devices.
Gi-alegahan usab si Makarim nga nakigkunsabo sa mga representante sa Google Asia Pacific ug Google Indonesia sa wala pa ipatuman ang procurement.
Samtang gihikay pa ang kaso, mitumaw nga giila ni Makarim ang iyang pagka-inosente ug gihangyo pinaagi sa iyang abogado nga ibasura ang kaso.
Photo Courtesy: Medium
