Sa China, niabot na sa 6.1 million lang ang mga nagpakasal sa 2024—niubos og kapin 20 porsyento kumpara sa miaging tuig. Tungod niini, nasamok na gyud ang mga ginikanan ug AI na ang ilang gi-armas.
Sumala sa mga balita, napuno na karon ang Douyin ug Weibo og mga AI-generated nga video nga nagpakita og tigulang nga mga karakter nga nagmahay kay wala sila naminyo samtang bata pa. Naay video sa usa ka 58-anyos nga “AI nga babae” nga nag-inusara sa ospital samtang ang ubang pasyente gi-atiman sa ilang pamilya. Klaro kaayo ang mensahe: “Kung wala kay bana o asawa, klarong mag inusara ka sa imong pagkatigulang”
Bisan pa man nga klarong gibutangan og label nga AI-generated, ni viral gihapon ang mga video ug milyon ang views. Gitawag na kini sa uban og “cyber siege”—online nga panikas sa mga ginikanan aron mapugos ang ilang anak nga magminyo.
Apan imbes nga mahadlok, nangatawa man nuon ang mga batan-on. Matod pa sa usa ka netizen, “Funny kaayo nga AI ang gigamit kay wala sila kakita og tinuod nga tawo nga willing mohilak para pa minyoon mi.” Ang uban pa gani miingon nga mas ganahan na lang sila magpabiling single, tungod sa kasamok sa ilang ginikanan.
Sa pagkakaron, klaro ang usa ka butang sa China—kung dili pa ready ang kasing kasing, AI na lang sa ang mo drama.
Photo courtesy: Douyin
