Gipakita sa usa ka survey nga gipabuhat sa think tank nga Stratbase nga ang nag-unang gusto sa mga Pilipino gikan sa gobyerno mao ang pagpabarato sa presyo sa pagkaon, pagpaminos sa kurapsyon, ug paghimo og dugang trabaho sa mga komunidad.
Gihimo ang survey sa Pulse Asia gikan Disyembre 12 hangtod 15, 2025, nagpakita nga 38 porsyento sa mga respondents ang nagtudlo sa pagpabarato sa pagkaon isip labing dinaliang aksyon sa gobyerno.
Misunod niini ang pagpakunhod sa kurapsyon aron mapaayo ang serbisyo publiko sa 31 porsyento, samtang 21 porsyento ang naghisgot sa panginahanglan sa mas daghang trabaho ug panginabuhian.
Gipakita usab sa resulta nga ang kalisod sa ekonomiya ug kurapsyon hugot nga magkadugtong. Samtang ang mahal nga presyo sa pagkaon ang pinakapreskong problema sa nasud, ang kurapsyon gihapon ang usa sa nag-unang kabalaka tungod sa direktang epekto niini sa serbisyo publiko, gasto sa panimalay, ug oportunidad sa trabaho.
Sumala sa Stratbase, gipakita sa survey nga gusto sa mga Pilipino og klaro ug tinud-anay nga kahupayan sa ekonomiya ug lig-on nga aksyon batok sa kurapsyon, samtang mas maampingon na usab silang nagtan-aw sa performance sa mga lider sa gobyerno base sa tinuod nga kausaban sa ilang panginabuhi.
Photo Courtesy:pulseasia.ph
