Kung kapoyan ka maghulat sa New Year, ani na lang—sakay og eroplano ug balika ang oras.
Niadtong nakalabay nga adlaw Enero 1, 2026 alas dose y medya sa kaadlawon, milupad ang Cathay Pacific Flight CX880 gikan Hong Kong. Bag-o pa kaayo nag-celebrate ang mga pasahero sa Bag-ong Tuig—busog pa ang media noche ug tingali init pa ang handa.
Apan pag-abot sa eroplano sa Los Angeles, alas 8:55 sa gabii Disyembre 31, 2025 pa diay.
Sa yano nga pulong, nilupad sila sa 2026 pero niabot sa 2025. Tungod sa 12 ka oras nga biyahe, 16 ka oras nga time difference, ug sa pagtabok sa International Date Line, nahitabo ang milagro sa kalendaryo. Ang resulta: Duha ka New Year, countdown, Duha ka selebrasyon, Ug posible, duha ka set sa handa.
Matod pa sa mga airline, dili kini one-time event. Matag New Year’s Eve, naa gyud mga flights sama sa Tokyo to Los Angeles sa ANA, ug Cathay Pacific padulong San Francisco ug Vancouver, nga molupad Enero 1 pero moabot Disyembre 31.
Ang pinakagrabe? Samoa Airways, ang Samoa ug American Samoa 75 miles ra ang gilay-on, pero lain ug petsa. Pwede ka molukso-lukso gikan Disyembre 31 padulong Enero 1 balik-balik sa usa ka adlaw—murag time traveler nga naka-budget airline.
Hinungdan ani ang International Date Line, nga kung tabokon paingon sa silangan, mabawasan og usa ka adlaw, ug kung paingon sa kasadpan, madugangan og usa ka adlaw.
Busa kon gusto nimo duha ka New Year, duha ka countdown, ug duha ka rason para mo-inom, klaro na kaayo—ang solusyon kay eroplano, dili orasan.
Photo courtesy: Lifestyle Asia
