Duha ka bag-ong kaso sa mga naangol tungod sa pabuto ang naitala sa rehiyon sa Caraga sumala sa Department of Health (DOH) Caraga, base sa monitoring as of January 2, 2026.
Sa unang kaso, usa ka 12-anyos nga lalaki gikan sa Surigao City ang naangol human sa paggamit og kwitis ug fountain. Naangol ang tuong kamot ug mata sa biktima. Matod sa DOH, walay naputol nga bahin sa lawas sa maong menor de edad ug kini karon nagpadayon sa pagpaayo human sa pagdawat og medikal nga atiman.
Samtang sa ikaduhang kaso, usa ka 18-anyos nga lalaki gikan sa Las Nieves, Agusan del Norte ang nasamad sa nawong, partikular sa nasal bridge niini, tungod sa kwitis. Sama sa unang kaso, wala usab natala nga naputol sa lawas sa maong biktima.
Base sa pinakabag-ong datos sa DOH Caraga, tulo (3) na ka kaso sa firecracker-related injuries ang natala sa tibuok rehiyon, diin duha (2) niini ang bag-ong kaso. Kadaghanan sa mga insidente naglambigit sa paggamit sa delikadong pabuto sama sa kwitis.
Photo courtesy: DOH-CARAGA
