Gilauman nga aprobahan sa rehiyon sa Niigata sa Japan ang pag-abli pag-usab sa pinakadakong nuclear power plant sa kalibutan.
Kini usa ka mahinungdanong lakang sa pagbalik sa paggamit sa nuclear energy sa Japan sukad sa kalamidad sa Fukushima niadtong 2011.
Ang Kashiwazaki-Kariwa plant, nga nahimutang mga 220 km sa amihanan-kasadpan sa Tokyo, usa sa 54 ka mga reactor nga gisirhan human sa kusog nga linog ug tsunami nga niguba sa Fukushima Daiichi plant—ang giisip nga pinakagrabe nga nuclear disaster sukad sa Chernobyl.
Sukad niadto, 14 sa 33 ka mga operable reactors sa Japan ang gipaandar pag-usab samtang gisulayan pagpakunhod ang paggamit sa mga imported nga fossil fuels. Ang Kashiwazaki-Kariwa ang unang pagpaandar pag-usab sa Tokyo Electric Power Co (TEPCO), ang kompanya nga nagpadagan usab sa planta sa Fukushima.
Kon maaprobahan, plano sa TEPCO nga paandaron ang una sa pito ka mga reactor sa planta sa Enero 20, sumala sa NHK, apan walay eksaktong oras sa pag-operate.
Sa niaging tuig, nisaad ang TEPCO nga mogahin og 100 bilyon yen ($641 milyon) sa Niigata sulod sa mosunod nga 10 ka tuig aron makuha ang suporta sa mga residente. Apan daghan gihapon ang nagduha-duha. Sumala sa usa ka survey niadtong Oktubre, 60% sa mga residente ang nagtuo nga dili pa andam ang planta, ug hapit 70% ang nabalaka sa operasyon sa TEPCO.
Photo courtesy to: WNN World Nuclear News
