Midalit og 23 puntos Si Cooper Flagg aron pangulohan ang Dallas Mavericks ngadto sa 116-114 nga pagpahagba sa Detroit Pistons sulod sa overtime sa kulbahinam nilang sangka sa NBA.
Midugang og 10 ka rebounds, upat ka assists, usa ka steal ug tulo ka blocks ang 18-anyos nga si Flagg alang sa Mavs nga nagtangag na karong og 11-17 nga baraha.
Miani og 29 puntos alang sa Pistons si Cade Cunningham nga napildi sa ikaunom pa lamang nga higayon ning season.
Samtang sa laing duwa didto sa Indiana, si Jalen Brunson milansang og 3-pointer sa pinal nga kuwatro segundos aron agakon ang New York Knicks ngadto sa 114-113 nga kadaogan batok sa Pacers sa rematch sa miaging NBA Eastern Conference finals.
Si Brunson mitapos uban ang 25 puntos, si Mikal Bridge mi-iskor og 22 samtang si Tyler Kolek mitampo og 16 puntos, 11 ka assists ug unom ka rebounds alang sa Knicks.
Og si Andrew Nembhard miharos og 31 puntos sa pilderong Pacers.
Photo Courtesy to: NBA
