Gibanabana ang kinatibuk-ang puhunan nga moabot sa PHP 3.03 bilyon ug moabot sa 7,200 ka trabaho ang mabuhat sa bag-ong ecozones.
Gipamahayag ni Executive Secretary Ralph Recto ang positibo nga epekto sa ekonomiya ang pagbutang sa mga luna sa Parañaque, Laguna, ug Misamis Oriental isip Special Economic Zones (SEZs) aron madani ang pamuhunan ug makamugna og daghang trabaho.
Matod ni Recto, padayon nga midagsa ang mga investors sa mga lugar dungan sa ila estratehikong lokasyon, hanas nga trabahador, maayo nga imprastraktura ug masaligan nga mga utilities.
Ubos sa Proclamation No. 1111, 8912 ASEAN Avenue sa Aseana City, ang Parañaque gitudlo isip Information Technology hub.
Ang Proclamation No. 1112 nagmugna ug Agro-Industrial Economic Zone sa mga bahin sa Barangay Cabug ug Maanas sa Medina, Misamis Oriental, nga tawgon nga Alloco Development Corp. Industrial Estate.
Samtang, gilusad sa Proclamation No. 1113 ang Filinvest Innovation Park sa Barangay Bubuyan ug Punta sa Laguna.
Gipirmahan ni Recto ang mga proklamasyon kaniadtong Disyembre 16, 2025. Ang SEZs ubos sa fiscal ug non-fiscal incentives subay sa Republic Act No. 7916 (Special Economic Zone Act of 1995), nga giamendar sa RA 8748, ug PEZA nga mga palisiya.
Ang mga proklamasyon subay sa rekomendasyon sa PEZA Board of Directors.
Photo Courtesy to: X.com
