Kung moingon ta og “naaksidente ang truck”, kasagaran kahadlokan, kabalaka, ug kaluoy ang una nga mo sulod sa hunahuna. Apan sa Pulacan, lahi gyud ang nahitabo kay ang kaluoy napulihan og ka-uhaw.
Usa ka truck nga nagkarga og daghang kahon sa beer ang naaksidente ug natumba sa kilid sa dalan. Ang driver, nga klarong nag-laom og tabang, mikanaog dayon sa truck nga nagdahom nga adunay moingon og:“Sir, tabangan tika manghipos.”
Apan ang nadungog ra niya kay murag: “Sir, pila ka botelya ang pwede?”
Sa unang higayon, adunay pipila ka molabay nga murag motabang unta. Apan sa dihang nakita na ang mga beer nga nagkatag sa dalan, nausab ang mission gikan sa rescue operation nahimong “beer evacuation plan.”
Matod sa saksi, adunay: nagbitbit og kahon nga murag nag-grocery, ug adunay pa gyud nagdala og sako, kay basin daw “mahutdan ug beer.”
Ang driver, imbis nga mag-panic sa disgrasya, na-stress hinoon sa kahayag sa mga mata sa tawo nga murag nakakitag milagro.
Matod pa niya: “Abi nako tabangan ko, pero gi-una pa man ang beer kaysa nako.” Ang truck nga delivery vehicle, nahimong open bar nga walay bartender. Ang dalan nga lugar unta sa aksidente, nahimong pop-up beer festival nga walay permit.
Mas sakit pa sa driver, wala man lang siyay nakuha ni usa ka botelya kay sa ka-paspas sa mga “nagtan-aw,” na-empty ang stock murag sale sa mall.
Sa pagkakaron, under investigation pa sa mga otoridad ang hinungdan sa disgrasya sa truck — kung mechanical failure ba, human error, o tungod sa kurbada.
Apan klaro na kaayo ang usa ka butang: wala kini napildi sa aksidente, napildi kini sa mga “volunteer beer collectors.”
Busa mga kajuander, pahimangno: Kung naay disgrasya sa dalan, ang bayanihan dili unta mahimong “buy one take all.”
Ug hinumdumi: Ang tabang dili pasabot tagay.
Photo Courtesy to:Dipolognon.Ph
