Sa Bern, Switzerland, dili na jeep, bus, o bisikleta ang pinakasikat nga sakyanan kondili sapa. Kini gihimong “expressway” sa mga tawo: moambak ra sila, magpalutaw-lutaw, ug maabot na ang ilang padulngan. Walay traffic, walay saba diin tubig ra ug kalmado ang lugar.
Mas makalingaw pa, ang uban gikan pa og trabaho naka formal ang pamostura, pero ang gamit gibutang sa waterproof nga bag aron dili mabasa ang cellphone, laptop, ug importante nga dokumento. Ang uban murag nag commute lang pero naka-float imbis naka-sakay.
Tungod niini, nahimo na kining bag-ong tourist attraction sa Bern. Ang mga bisita mosulay og “river commute,” samtang ang mga lokal naanad na nga normal ra nga moadto og opisina nga moagi sa sapa, dayon uli ka nga basa pero relaks.
Sa Bern, klaro kaayo: kung trapik sa kalsada, adto sa suba kay ang tubig, di man mag-traffic!
Photo courtesy:Le News
