Gitabangan ni Ivana Alawi si Kuya Jesus Paraboles nga nakaila niya sa usa ka viral nga vlog nga nagpanggap siya nga buntis ug nangayo og pagkaon.
Bisan Php10 ra ang nahatag ni Kuya Jesus, tinud-anay ang iyang paghatag, hinungdan nga natandog ang kasingkasing sa daghang netizen ug sa mismong vlogger.
Matod ni Ivana, dili aksidente ang ilang pagkaila kundili usa ka plano sa Ginoo. Isip usa ka content creator, gusto niyang gamiton ang iyang platform sa paghatag inspirasyon, pagpakita og kaayo, ug pagtabang sa mga nanginahanglan.
Giingon niya nga bisan dili siya perpekto, proud siya nga nakagamit sa iyang impluwensiya aron matabangan si Kuya Jesus ug mahatagan kini og bag-ong paglaum.
Si Kuya Jesus, nga kaniadto usa ka mason apan nawadan og trabaho ug nagpuyo sa dalan, nakadawat og ikaduhang higayon sa kinabuhi tungod sa tabang nga iyang nadawat.
Gawas sa pagpapauli kaniya sa Bicol, gipalitan pa siya ni Ivana og yuta nga nagkantidad og kapin tunga sa milyon ka pesos.
Lahi na karon ang dagway ug kahimtangan ni Kuya Jesus, ug matod pa ni Ivana, andam pa siyang motabang sa pagtukod og balay, pagpanguma, ug pag-atiman og mga hayop aron masiguro ang mas hayag ug lig-on nga kaugmaon ni Kuya Jesus.
Photo courtesy: Philstar
