Naghatag og kagubot ang pagbisita ni Lionel Messi sa Salt Lake Stadium niadtong Sabado human nasuko ang mga fans nga wala malipay sa iyang mubo nga pagpakita.
Linibo ka mga fans sa sikat nga football star, nga nagbayad og hangtod 12,000 rupees (gibana-banang $133), ang miabot aron makita siya sa personal, apan nasuko dihang ilang nakita nga naglakaw-lakaw lang si Messi libot sa pitch, ug natabonan pa siya sa daghang opisyal ug celebrity.
Human sa 20 minutos nga paggawas ni Messi, gikuha dayon siya sa security, nga nakapasilaob sa kasuko sa ubang mga fans. Pipila ka mga fans ang nagsugod sa pagpanghasi og hinungdan sa gubot sa stadium, misulong sa pitch, nagguba sa mga banner ug tents, ug naglabay og mga plastik nga lingkuranan ug mga botelya sa tubig.
Gipahayag sa Chief Minister sa West Bengal nga si Mamata Banerjee ang iyang kakurat ug kasubo sa insidente, ug nagpahigayon og imbestigasyon. Nangayo siya og pasaylo kang Messi ug sa mga tigsuporta sa sports sa nahitabong aberiya.
Ang tigpamaba ni Messi miingon nga natuman niya ang iyang gikasabutan nga oras, ug gilikayan ang paghatag og dugang pamahayag mahitungod sa organisasyon sa event.
Gidakop na sa mga awtoridad ang organizer sa event, apan wala pa’y dugang detalye nga gipagawas.
Nasayran nga ang pagbisita ni Messi sa India kabahin sa iyang “GOAT Tour” nga nagtumong sa paghimo og mga promotional event sa Kolkata, Hyderabad, Mumbai, ug Delhi.
Photo courtesy: Al Jazeera
