Nireklamo ang drayber sa giingong ride-hailing app mahitungod pasangil nga nagbinastos kini ngadto sa usa ka pasahero nga nagbooking niadtong Sabado, Disyembre 12.
Nasayran nga ang maong babaye nagpagawas sa iyang kasuko pinaagi sa iyang social media account nga may kalabotan sa pagbinastos sa drayber og giingong gidala pa kini sa lodge didto sa Lapu-Lapu City ug nakawatan pa og kwarta.
Samtang, gihimakak kini sa maong drayber ug nidangop ngadto sa kapulisan aron malimpyo ang iyang pangalan mahitungod wala kini mibuhat sa pasangil sanglit gidaot lang kini matod pa sa babaye, apan ang nakadaot niini naapil sa pagpakauwaw ang pamilya sa drayber.
Gikataho sa drayber nga mopasaka kini og kaso batok sa pasahero kay gihingusgan niini nga adunay lig-on nga ebidensya sanglit niadtong adlawa o mga orasa nakanselar ang maong booking.
Dugang pa sa maong drayber nga dili lang usa kon dili aduna pa’y laing drayber ang nireklamo ngadto sa police station human kini napasanginlan sa maong babaye.
Photo Courtesy to: Mindanews
