Nagpagawas ang mga tigdumala og bag-ong mga lagda kung unsaon sa mga transport network vehicle service (TNVS) firms sa pagkalkula ang surge pricing. Tumong niini nga mapugngan ang kalit nga pagtaas sa pletehan sa mga ride-hailing services atol sa holiday rush.
Sa usa ka pamahayag nga gipagawas niadtong Biyernes, Disyembre 12, ang Land Transportation Franchising and Regulatory Board (LTFRB) miingon nga ang gi-usab nga mga lagda sa surge pricing epektibo gikan sa Disyembre 17 hangtod Enero 4, 2026, samtang nagpadayon ang ahensya sa pagtuon sa mas dugay nga mga reporma bahin sa pagkalkula sa surge rate.
Matod pa ni LTFRB Chair Vigor Mendoza sa usa ka pamahayag nga ilahang nadungog ang mga reklamo ug gibati usab nila ang mga sentimento nga gipadayag niadtong anaa sa sektor sa TNVS. Rason nga dali silang milihok nga maghimo og guideline bahin sa pagkalkula sa pletehan sa TNVS.
Giingon sa LTFRB nga ang surge pricing orihinal nga gituyo aron balansehon ang suplay ug panginahanglan ug madasig ang mga driver nga magpabilin sa dalan sa mga peak hours. Hinuon, matod sa ahensya, kulang sa klaro nga mga sukdanan sa pagkalkula sa rate, labi na sa mga panahon nga taas ang panginahanglan (high-demand periods).
Ang LTFRB sukad niadto nagpagawas og Memorandum Circular 2025-056, nagtakda sa mga lagda sa surge charges atol sa panahon sa Pasko ug Bag-ong Tuig.
Photo courtesy:Milyonaryo
