Nagpasidaan ang Department of Agriculture (DA) sa mga tindero nga dili patas-an ang presyo sa sa sobra 10%, gumikan mahimong pahamtangan ug silot ang mga negosyante nga magbaligya ug sobrang taas nga presyo.
Matumbok nga profiteering ang dagkong patong sa mga presyo sa mga pagkaon sama sa karne sa baboy, utanon ug karne sa manok.
Ang profiteering adunay silot nga multa gikan sa Php5,000 hnagtod sa Php2,000,000.00.
Gihisgutan sab nga mitaas ang demand sa mga Noche Buena food ingredients samtang nagkaduol ang kapaskuhan.
Matod ni DA Assistant Secretary Jennilyn Guevarra mas barato ngadto sa Php10–Php15 ang presyo sa Noche Buena food items sa Kadiwa stores sa tibuok nasud.
Sa kasamtangan, may 740 na ka mga Kadiwa stores, kadaghanan niini ang mga pop outlets diin anaa sa 100 ang anaa sa regular stores.
Photo Courtesy to:Philippine News Agency
