Niabiso ang Cebu Pacific ug Philippine Airlines sa mga pasahero nga mobyahe paingon sa Dubai, UAE nga mahimo na kini silang mocheck-in hangtod sa pito kaoras sa dili pa ang oras sa ilang departure.
Tumong niini nga mahatagan og taas nga oras ang mga pasahero alang sa pre-departure procedures.
Tambag sa mga local airline ngadto sa mga pasahero sa international flights nga daling moadto sa immigration ug final security check aron malikayan ang unsa ma’ng klase sa delay.
Nihatag usab og pahimangno ang mga air carriers ngadto sa publiko nga mosayo og adto sa NAIA tungod sa bug-at nga dagan sa trapiko ngadto sa mga nag-una nga mga karsada sa Metro Manila.
Tambag ngadto sa mga pasahero nga moabot sa airport tulo ka oras sa dili pa ang domestic flights samtang upat ka oras sa dili pa ang international flights.
Kinahanglan sab nga iandam ang ilang e-Travel Forms alang sa international travel aron mas paspas ang proseso sa pag-agi sa immigration.
Photo Courtesy to: en.wikipedia.org
