Gipagawas sa Bureau of Corrections (BuCor) ang 1,009 ka persons deprived of liberty (PDLs) diin nga nagdala sa kinatibuk-ang ihap ngadto sa 28,616 ubos sa administrasyong Marcos nga gilangkuban lamang sa Nobyembre 1 hangtod sa Disyembre 12 ning tuiga.
Ang gipagawas nga mga PDL gikan sa mga pasilidad sa New Bilibid Prison – 360, Correctional Institution for Women (CIW) anaa sa 56, Sablayan Prison ug Penal Farm anaa sa 108, Iwahig Prison and Penal Farm anaa sa 98, Leyte Regional Prison anaa sa 89, Prison ug Penal Farm sa Davao anaa sa 153 ug San Ramon Prison and Penal Farm anaa sa 145.
Kabahin niini, atol sa usa ka seremonyas nga gipahigayon sa BuCor headquarters sa Muntinlupa City gidasig ni Acting Justice Secretary Fredderick Vida ang mga nakagawas nga PDLs nga maghuna-huna sa ilang minahal sa kinabuhi ug magbag-o na alang sa ilang kaayohan.
Gani, iyang gi-awhag ang publiko sa paghatag ug ikaduhang higayon sa mga PDLs nga musulod pag-usab sa katilingban nga uban ang katakus sa oportunidad alang sa ilang rehabilitasyon.
Samtang gihatagan usab ug gibug-aton ni BuCor Director General Gregorio Catapang Jr. ang mga na-release nga mga indibidwal diin kini nagpakita sa bililhong mga kahanas pinaagi sa mga programa sa pagbansay nga gipasiugdahan sa Technical Education and Skills Development Authority (TESDA) samtang ubos pa sila sa pag-atiman.
Photo Courtesy to: Philippine News Agency
