Wala na kaikyas pa sa mga otoridad ang usa ka indibidwal human nadakpan sa gikasang Manhunt Charlie Operation didto sa Sitio Baclinan, Brgy. Cauwayanan, Boston, Davao Oriental pasado ala 01:45 sa milabay nga hapon.
Ang operasyon gihimo sa mga personahe RSOG 11, uban sa mga operatiba sa Boston Municipal Police Station ug sa Talomo Police Station nga nagresulta sa pagkasikop ni alyas “Vice”, 49- anyos, minyo, usa ka laborer ug residente sa Block 2, Talusa, Talomo, Davao City.
Naaresto ang suspek pinaagi sa pagpatuman sa warrant of arrest alang sa kasong Rape ilalom sa Article 266-A, 1(A) in relation to Article 266-B 1 sa Revised Penal Code nga giamendar sa Republic Act No. 8353 nga maykalabotan sa Republic Act 8369 ubos sa Criminal Case number R-DVO-19-02068-CR-R-DVO-19-02069-CR nga penitsahan niadtong Enero 3, 2020 nga giisyu sa Presiding Judge sa Regional Trial Court, 11th Judicial Region, Branch 8, Davao City ug walay pyansang girekomendar ang korte.
Gipasabot usab ang akusado sa rason sa iyang pagkasikop ingon man ang iyang constitutional rights sa diyalekto nga nailhan ug nasabtan. Sa pagkakaron ang dinakpan gikustodiya na sa Talomo Police Station alang sa tukmang disposasyon.
Ang operasyon nagpakita sa usa ka pasalig sa kaluwasan sa publiko sa pagmintinar sa kahusay ug pagpreserbar sa kalinaw sa komunidad. Ang Boston MPS nagpabilin nga pasalig sa pagsiguro sa kaluwasan sa katawhan ug pagdala sa mga nakalapas sa balaod ngadto sa hustisya.
