Patay ang labing menos 14 ka mga tawo dala sa kadaot sa bagyong Byron sa Gaza sa miaging 24 ka oras. Tulo ka mga bata ang lakip sa mga namatay, kadaghanan kanila gumikan sa hypothermia o grabe nga katugnaw.
Ang bagyo nagpugos sa mga residente sa temporaryo nga pagbakwit sa mga tolda ug mga puy-anan tungod sa pagtaas sa tubig baha. Gibanabana nga 13 ka mga balay ug mga bilding ang nahugno ug 27,000 ka mga tolda ang nabahaan.
Ang United Nations International Organization for Migration miingon nga gikahadlokan nga mukabat sa 800,000 ka mga tawo sa Gaza ang mahimong maapektuhan.
Nanawagan ang ahensya sa ubang kanasuran nga hatagan dayon ang tabang tungod sa pagbaha.
Photo Courtesy to:Al Jazeera
