Gihatagan og 20 ka tuig nga silot sa International Criminal Court (ICC) ang Sudanese militia leader nga si Ali Muhammad Ali Abd-Al-Rahman,naila usab nga Ali Kushayb, tungod sa war crimes ug crimes against humanity nga nahitabo sa Darfur duha ka dekada ang milabay.
Na convict na siya sa 27 ka kaso sa krimen batok sa katawhan ug war crimes, lakip ang rape, pagpatay, ug torture taliwala sa 2003 ug 2004. Ang 76-anyos nga si Abd-Al-Rahman miyembro sa iladong Janjaweed militia ug aktibong nitampo sa daghang krimen sa giyera.
Matod sa presiding judge Joanna Korner nga personal nga naghimo siya og pagpangdagmal, naghatag og mando sa pagpatay, ug nakahimo og kampanya sa pagpang-exterminate, pagpahimulos, ug pagpahilayo sa katawhan. Giingon usab sa imbestigasyon nga iyang gitamakan ang ulo sa biktima lakip ang lalaki, babae, ug bata.
Ang prosecutor nangayo og life sentence, apan giila sa korte ang pag-voluntary surrender ni Abd-Al-Rahman, ang iyang edad, ug maayo nga pamatasan sa detention ingon mga mitigating factors. Ang panahon nga iyang nagugol sa detention sukad Hunyo 2020 kuhaon gikan sa silot.
Ang gubat sa Darfur sa 2000s misangpot sa pagkamatay sa 300,000 ka tawo ug pagbalhin sa 2.5 milyon. Giingon sa ICC nga ang sentensya nagtinguha og hustisya ug pagpugong sa susamang krimen, ilabi na sa kasamtangang sitwasyon sa Sudan.
Photo Courtesy to: Ahram Online
