Gilunsad ang paggamit sa digital payments kini giila nga usa sa pinakaimportanteng aspeto nga angay tun-an sa mga taga-Malaybalay aron maandam ang siyudad sa pag-abot sa Smart City Era.
Kini ang gibutyag ni Dr. Romeo Lapiceros Jr., Hepe sa City Economic Enterprise Development and Management Office, atol sa usa ka eksklusibong interbyu sa Juander Radyo Malaybalay kagahapon sa buntag sa paglusad sa PH-QR nga gipahigayon sa merkado publiko sa syudad.
Sumala ni Dr. Lapiceros, usa sa mga butang nga kinahanglan aron makab-ot ang Smart City mao ang paggamit sa digital payments sa matag transaksyon, lakip na sa merkado publiko, transportasyon, ug mga transaksyon sa gobyerno.
Ang programa gibase sa City Ordinance No. 1055 nga giduso ni City Councilor Cromwell Kiril Dinlayan uban sa suporta sa ubang mga miyembro sa komite, ug giaprobahan sa mando sa mayor niadtong Marso 2025. Ang ordinansa naghatag og pamaagi para sa mga negosyante, konsumidor, ug mga reladriver, pinaagi sa paspas ug episyente nga proseso sa pagbayad, labi na sa aspeto sa kalimpyo.
Dugang pa, ang mga stall holder ug mga drayber makabenepisyo usab gikan sa 2% nga diskwento sa pipila ka bayranan sa unang tuig sa pagpatuman sa programa.
Ang inisyatibo nagpakita sa paningkamot sa Malaybalay City nga modernohon ang mga serbisyo ug matubag ang panginahanglan alang sa mas episyente ug digital nga sistema sa siyudad.
via: CEEDMO MALAYBALAY
