Gihatagan ni Justin Kobe Macario ang Pilipinas sa labing unang bulawang medalya sa 33rd Southeast Asian Games, human midaog sa men’s individual freestyle poomsae event sa taekwondo niadtong milabay’ng adlaw sa Fashion Island Shopping Mall. Mikolekta ang 23-anyos nga si Macario og 8,200 puntos aron pangulohan ang kalihukan batok sa laing lima ka entries.
Nasurprisa sab si Macario nga siya ang unang gold winner para sa Pilipinas. Wala matod pay kasudlan sa iyang kalipay nga nabati, gumikan makadala kinig bulawan pauli sa nasud.
Gipasalamatan usab niini ang labaw nga makakagahum sa grasya nga nadawat. Si Macario nakatigom og kusog nga dili moapil sa parada sa mga atleta atol sa opening ceremony niadtong Martes.
Sa wala pa ang bulawan ni Macario, si John Derrick Farr nakahatag na og medalya sa nasud pinaagi sa iyang bronze sa men’s downhill mountain bike event sa Chonburi. Ang 29-anyos nga si Farr miposte og 2 hours 43 minutes and 67 seconds, aron pildihon ang iyang kauban nga si Simon Peter Servillon alang sa katapusang podium slot.
Photo : Spin.ph
