Napakyas ang Gilas Pilipinas 3×3 Women, human napildi sa Malaysia sa score nga 21-19 sa ilang dula sa 33rd Southeast Asian Games.
Nisulay pagpildi sa Malaysia sila si Kaye Pingol, Jhaz Joson, Mikka Cacho, ug Tantoy Ferrer apan wala sila makatupong sa depensa sa Malaysia.
Tungod niini, dili na makadula sa semifinals ang Gilas 3×3 Women. Una niini, gipildi usab sila sa Indonesia sa score nga 21-15.
Kahinumduman nga niadtong 2023 Vietnam SEA Games, nakadaog og silver medal ang Gilas Women 3×3.
Photo Courtesy to: One Sports
