Gipalapdan sa Bureau of Internal Revenue (BIR) ang listahan sa mga tambal nga walay Value-Added Tax (VAT) human kini giaprobahan sa Food and Drug Administration (FDA).
Ubos sa Revenue Memorandum Circular 108-2025, kapin sa 2,200 ka tambal alang sa cancer, diabetes, altapresyon (high blood), taas nga kolesterol, sakit sa kidney, mental nga sakit, ug tuberculosis ang gi-exempt na sa VAT.
Lakip sa mga bag-ong nadugang ang lima (5) ka tambal alang sa cancer, sama sa Irinotecan Hydrochloride Trihydrate, Irinotecan, Nilotinib, ug duha ka dosages sa Capivasertib. Nadugang usab ang walo (8) ka tambal sa diabetes, diin kadaghanan niini mga lain-laing dosage sa Semaglutide ug kombinasyon sa Gemigliptin ug Dapagliflozin.
Karon, adunay 675 VAT-free nga tambal sa cancer, 323 para sa diabetes, 173 para sa taas nga kolesterol, 542 para sa altapresyon, 154 para sa sakit sa kidney, 300 para sa mental nga sakit, ug 75 para sa tuberculosis. Ang exemption nasakup sa TRAIN Law ug CREATE Act. Makita ang tibuok listahan sa website sa FDA.
Photo courtesy: Business World
