Misikat sa kalibutan ang “ESCAPE KING” nga usa ka Albanian nga lalaki nga murag dili kapugngan sa iyang pagka Houdini sa prisohan. Si Toma Taulant, 41-anyos, naka-ikyas na ika-upat na kahigayon sa sulod sa 16 ka tuig nga mas paspas pa ang iyang pag- exit kaysa artista sa action movie.
Gikan siya sa Opera Maximum Security Prison sa Milan, Italy, nakalusot gamit ang classic Hollywood combo: gipangawat ang file sa workshop, gigamit pagputol sa metal bars, unya nag-rapel paubos gamit ang habol. Unsay next ani? Parachute nga trapo?
Nakalingkawas siya sa courtyard ug mikatkat sa outer wall nga walay nakabantay. Naa daw CCTV footage, pero wa misiga ang alarm kay timing kaayo sa shift changes sa guard. Perfect timing murag nag-practice.
Pero mao gyud ni ang twist: sa ika-upat nga pag-ikyas. Naka-escape siya sa Terni niadtong 2009, sa Parma ni 2013, ug sa Belgium ni 2023 gamit pa ang human pyramid. Oo, mura’g cheerleading squad nga criminal edition.
Bisag pirmi siya madakpan balik, ang publiko wala malagot — kay sa kadugay sa iyang “career,” siya na ang undefeated champion sa prison break attempts.
Kung naa’y Olympics sa pag-ikyas, siya na ang modaog isip Hall of Fame.
Photo Courtesy to: The Telegraph
